點籽冰室 (已結業)

夜晚唔想食太多野，見到呢間冰室晚市都多選擇，裝修又唔係咁差，一於就入黎試下。先黎一個點籽小炒王，同一般酒樓既小炒王有啲唔同，有韭菜，煙鴨胸，餐肉，魷魚，係茶餐廳風味既小炒王，幾樣食材加埋既口感好豐富，軟淋淋又爽脆，咸味岩岩好，唔會好油，都幾乾身，唔錯👍🏻之後就係經典羅宋湯通粉配瑞士雞翼及餐包，呢個應該只係早餐/下午茶先食到既，呢度晚餐都有，羅宋湯濃牛肉味濃菜味，好多菜，好足料，通粉唔會浸到好淋，啖啖湯香，雞翼就濃豉油味，甜甜咸咸，肉質又好，餐包就軟軟熟熟，唔會好硬，淡淡牛油香，好味👏🏻