肚餓了串燒烤焗專門店 (已結業)

寫食評最怕就係見到啲好食既相，今次都唔例外，一見到就已經流哂口水。今次同同事放工一齊去食飯，就揀咗呢間串燒，因為想飲下啤酒，而串燒就係最好既下酒餸，去到發現原來佢地有賣香港手工啤酒，當然要試下土炮香港啤酒，先講下我對支啤酒既感覺，香檸薄荷味，薄荷味重偏突出香檸味有點薄，但都幾有特色，可以一戰，會得閒支持下。所有串燒都燒得唔錯，特別係牛舌，燒到好香之餘仲要好淋身，厚切口感非常好，好食到要追加多幾串。燒雞泡魚乾配啤酒無得輸。我去到串燒店多數都會叫燒菠蘿，甜甜酸酸好開胃，但要小心菠蘿汁會好熱。比目魚好滑，烤焗得啱啱好。見到佢有燒蠔拼盤，就好自然想試哂唔同味道，當中我認為沙律醬個隻最啱我胃口。總結，想輕輕鬆鬆食餐配酒小食，呢間肚餓了試得過。