Give Me Five (已結業)

食過媽咪雞蛋仔，有點飽意下決定到黃埔逛逛，沿途見到名店「六分」，小人不想「結疤」更不想「發芽」，直行直過，行多兩步路見到大大個招牌「Give Me Five」，因慶祝開業五個月 (孤陋寡聞，第一次見人咁短時間都要慶祝…)，特濃珍珠奶茶只售五蚊雞，咁抵？應該唔會 5 out of 30 卦，就毅然買下一杯試試。店員接柯打後先放入兩匙珍珠，數量當然不多，再倒下大大舊的冰粒，莫非正如食神話齋，有咁多冰放咁多冰，等人拿拿聲飲完再叫多杯？這裡的凍奶茶，如大家樂一樣，是一早沖定的，味道是在預期之中，略帶一點茶的甘香，已可收貨！ 大佬，五蚊雞有一杯珍珠奶茶，夠晒凍(咁多冰粒~)，又有茶味，仲可以要求乜呢？珍珠無疑係比較少，但正所謂「物以罕為貴」，當數量一多，又會有口痕友話係下等貨的了。我明，店方係想這一杯只售五蚊的凍奶茶，除可供解渴之外，同時給客人一種「抽中獎」的成功感，一啖飲下無珍珠，唔打緊，再接再厲，終於有珍珠喇？恭喜晒！由此可見，這杯珍珠奶茶是極具「教育意義」的，坊間大多舖頭都只係鬥平、鬥大，年青一代能夠有得著嗎？飲奶茶學到的東西，是書本上沒有的，沒有珍珠，不是再輕歎「這些機會不是屬於我的」，