諾亞半熟蛋糕專門店 (已結業)

諾亞半熟蛋糕，我間唔中都會專登去幫襯，今次都唔例外。今次去到店鋪門口，除咗見到不同款式的半熟蛋糕之外，仲有數款瓶身精緻的特飲，所以急不及待要帶個佢哋回家。當晚食過晚飯，它們立即變成我和老公的飯後甜品啦~先把原味蜂蜜半熟蛋糕切開，靜待大約 20 分鐘，見到蛋糕中間的蜂蜜開始流出來，我們便享用了~雖然呢個蛋糕本身係凍的，但是一支叉拮落去，其實係好軟熟的。而口感是帶點綿綿地，混合了中間的蜂蜜一同食用，增加了蛋糕的細滑。另外，食蛋糕又點可以缺少飲品呢？在數款口味當中，我選擇了士多啤梨花茶。當時職員跟我說飲品本身是用新鮮的用料製造，所以建議我要即日飲完，不要留過夜。打開燈泡形的玻璃瓶子，然後用飲管攪幾下，可以見到一些果肉在瓶底。入口時是很冰涼同埋帶少少甜的士多啤梨味，但又唔會覺得好假，而且粒粒的士多啤梨增加了不少咬口，兩者真係好搭配。