One More Hotpot 來一鍋 (已結業)

天氣清涼真係最啱去打邊爐，今晚我地就喺來一鍋打邊爐餐廳嘅座位好西式，唔似打邊爐，我地兩個人坐六個人嘅卡位，好舒服！湯底㨂左花膠螺頭雞鍋，好足料，一開始就咁當湯飲都得任飲嘅飲品選擇好多，連雀巢咖啡都有，少見個套餐好豐富！一開始有指定主菜，手打丸同埋餃，手工豬肉丸口感爽滑好味，手工水餃皮薄饀靚最好食手切安格斯肥牛好有牛味，厚薄適中，口感唔錯！響鈴同魚皮都係即炸，最欣賞響鈴，攞出黎時仲熱辣辣，唔會太厚，放落湯滾兩秒啱啱好，脆脆地唔會太腍可惜呢啲全部都冇得追加之後到戲肉海鮮比想像中多款！同埋質素幾好！樣樣都好新鮮尤其是鮑魚同珍珠蚌，侍應過黎講解每款應該灼幾耐，所以唔怕過熟，鮑魚好爽唔會韌，珍珠蚌鮮味十足到任食環節，由於指定主菜份量都唔少，所以只係叫左一round第一次見咁長嘅蟹棒，又幾好食，唔係普通平價蟹柳味，日式芝士輪咬開爆啲芝士出黎，唔錯！最驚喜係最後嘅甜品，竟然係心太軟！焗得啱啱好，流心又唔會太熟，問過部長遲啲會有梳乎厘仲有呢度，服務幾好，換碟好快，主動加湯，讚！