百樂門宴會廳 (已結業)

朋友介紹呢間百樂門星期六日公眾假期全日點心6 折，趁星期日同屋企人去試試。地點係kcc，同葵興地鐵站相連，落雨打風都唔怕濕身。而且係商廈，星期六日人流極少，一到即有檯，完全唔駛等，仲好自助咁諗坐邊張檯。開左茶，睇下點心紙，都係啲大路點心，仲有多一張早茶特價點心紙，選擇算幾多。見6折，咩都想食，但得3丁友，只好叫啲貴啲啲嘅！第一樣食貴啲啲嘅梗係灌湯餃！全名係竹笙花膠灌湯餃，係食到竹笙，但花膠就唔多覺，都係平價灌湯餃質素，豬肉、蟹柳、冬菇咁。另外食貴啲啲嘅梗係搵啲有蝦海鮮類嘅點心，包括：蝦餃、燒賣、蝦腸、鮮蝦菜苗餃、蒜蓉蒸鮮魷。蝦餃好大粒，多蝦，但皮略厚。腸粉質地幾好，唔會太琳。燒賣就麻麻，好大舊豬肉無剁碎。蒸鮮魷啲調味料太多又未攪均，太重口味。整體食物同服務都係一般，但以6折黎講算係假日之選。