7
5
5
等级2
18
0
2017-01-03 2194 浏览
今日2017年1月2號,同屋企人嚟禾輋飲茶。 屋企附近嘅同埋沙田嘅得幾間,諗住試下呢間新開嘅,諗住試下點樣,睇下有冇驚喜。同屋企人嚟到攞飛等位都係近十點,都等咗好一陣先至有位。 等緊嗰陣,有個人同門口嗰位問:見到入面有四張枱冇人,但係冇人執枱。臨入嗰陣,門口嗰位同我哋講坐卡位茶錢加三蚊得唔得?咁我哋話得。坐低咗,阿妹發現櫈入少少嗰度,有啲可能係細路用原子筆畫花咗少少張凳,都幾明顯。 雖然明明酒樓畀嗰支筆喺鉛筆,唔係原子筆。 坐低咗之後,有個人呢鋪枱布同埋畀餐具,嗰時唔知佢係咪太趕時間la,將啲餐具好似比較好亂咁樣,就咁擺曬喺度就算,睇落好凌亂。 比午市點心紙嗰陣,有少少似劈落張枱(少少)。 所以由一開始,等位到執枱都有少少覺得呢間嘢掂唔掂㗎?!好似唔多妥嘅感覺,但係之後食物方面都唔錯嘅。過咗十點已經喺午市。 比起馬鞍山嗰啲酒樓,我覺得呢度嘅點心都係有啲新鮮感嘅,馬鞍山都好少有紅油抄手。我哋四個人嗌咗九個點心。茶,我哋嗌咗鐵觀音 。 臘味粒咸薄睇個名覺得會唔會臘味比較多,但係黎到先知唔係好多。同平時食開嗰啲咸薄差唔多,同埋呢個比較粉,麻麻。 香茜牛肉腸不過不失,唔錯嘅 鮮蝦米網腸幾好
更多
今日2017年1月2號,同屋企人嚟禾輋飲茶。 屋企附近嘅同埋沙田嘅得幾間,諗住試下呢間新開嘅,諗住試下點樣,睇下有冇驚喜。

同屋企人嚟到攞飛等位都係近十點,都等咗好一陣先至有位。 等緊嗰陣,有個人同門口嗰位問:見到入面有四張枱冇人,但係冇人執枱。臨入嗰陣,門口嗰位同我哋講坐卡位茶錢加三蚊得唔得?咁我哋話得。

坐低咗,阿妹發現櫈入少少嗰度,有啲可能係細路用原子筆畫花咗少少張凳,都幾明顯。 雖然明明酒樓畀嗰支筆喺鉛筆,唔係原子筆。 坐低咗之後,有個人呢鋪枱布同埋畀餐具,嗰時唔知佢係咪太趕時間la,將啲餐具好似比較好亂咁樣,就咁擺曬喺度就算,睇落好凌亂。 比午市點心紙嗰陣,有少少似劈落張枱(少少)。 所以由一開始,等位到執枱都有少少覺得呢間嘢掂唔掂㗎?!好似唔多妥嘅感覺,但係之後食物方面都唔錯嘅。

過咗十點已經喺午市。 比起馬鞍山嗰啲酒樓,我覺得呢度嘅點心都係有啲新鮮感嘅,馬鞍山都好少有紅油抄手。我哋四個人嗌咗九個點心。茶,我哋嗌咗鐵觀音 。

臘味粒咸薄
睇個名覺得會唔會臘味比較多,但係黎到先知唔係好多。同平時食開嗰啲咸薄差唔多,同埋呢個比較粉,麻麻。

香茜牛肉腸
不過不失,唔錯嘅

鮮蝦米網腸
幾好。個網都幾脆,口感唔錯。粉皮同埋鮮蝦都唔錯。呢個點心唔伏。之前喺馬鞍山一間酒樓都有呢個點心,但係之後佢無啦啦轉咗蘿蔔涵仲幾難食下,而家嚟呢度食返個正常版本嘅


蜂蜜芋角
唔係好食到蜂蜜味,但係作為一個炸芋角係唔錯嘅,好脆。作為一個炸物嚟講都幾令人滿足。

紅油抄手
順德經典都有呢個點心,但係佢嗰個係紅油就真係油嘅,呢個就係用一隻醬,唔係用油。食落甜甜哋唔會太辣,都幾惹味嘅。

香煎鳳凰糯米雞
呢個我覺得麻麻。點心紙入面幅相,影到都唔錯。但係點心到左之後,就覺得係一個圓形嘅糯米雞,然之後有一層薄薄嘅蛋包住咗佢咁樣囉。味道比較普通,冇乜特別。

芋絲炸春捲
嚟到都熱嘅,應該係都係即刻整嘅,同埋 都唔錯,因為我主要嗌呢個係想食炸嘢。

紫心香芋丸
放題好多都會有香芋丸食,呢個點心有香芋味之餘,脆撲撲,熱辣辣。

呢度清碟比較快,空碟擺咗喺枱邊就好快有侍應收碟。

最後呀爸埋單,竟然冇散紙找,搞到阿爸要等下一枱人埋單睇有冇散紙找俾佢,搞到埋單都搞咗一陣。

鐵觀音
90 浏览
0 赞好
0 留言
臘味粒煎薄罉
62 浏览
0 赞好
0 留言
香茜牛肉腸
49 浏览
0 赞好
0 留言
鮮蝦米網腸
73 浏览
0 赞好
0 留言
蜂蜜芋角
32 浏览
0 赞好
0 留言
紅油抄手
40 浏览
1 赞好
0 留言
香煎鳳凰糯米雞
38 浏览
0 赞好
0 留言
芋絲炸春捲
43 浏览
0 赞好
0 留言
紫心香芋丸
47 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2017-01-02
等候时间
20 分钟 (堂食)
推介美食
鐵觀音
香茜牛肉腸
鮮蝦米網腸
蜂蜜芋角
紅油抄手
芋絲炸春捲
紫心香芋丸