滿小館 (已結業)

行過見到新開張免茶芥免+1！門面又靚靚仔仔，入邊又有人幫襯，就一於試一試！(專登帶埋兩老嚟幫襯）👍🏻花膠扒套餐套餐包括一件花膠扒、滋味燉湯、高湯浸時蔬、瑤柱蛋白炒飯（一至日都有優惠）花膠扒大過隻手，夠爽口！蠔皇醬汁調味得宜，帶少少甜更加容易入口。燉湯係：花膠燉竹絲雞，好有火候，清清潤潤。食點心之前梗係要飲返幾啖先啦！瑤柱蛋白炒飯，飯身夠硬口，一粒粒炒得金黃，瑤柱有爆香過，感受到個種鑊氣！👍🏻筍尖蝦餃王一籠四隻，粒粒晶瑩，蝦肉飽滿，真係做到皮薄餡靚！裏面加咗啲筍尖，令到蝦餃有爽爽脆脆既口感！👍🏻金湯松茸餃上枱嘅時候有三粒松茸餃，加上一壺高湯，本身啲餃皮會黐身，但淋上熱辣辣嘅高湯，即刻唔再黏。食落口有好香濃嘅松茸味，好清新既感覺，金湯唔鹹仲好清潤！👍🏻野菌牛柏葉牛柏葉要夠油先好食，所以我唔會嫌佢太過油膩。反而要讚一讚佢用野菌去吸油份，令菌菇多左份滋味感。牛柏葉好爽口，如果有少少薑蔥就更加完美！👍🏻XO醬帶子炒腸粉XO醬好足料，有好香嘅蝦米味，炒落滑嘟嘟嘅腸粉裡，火喉十足相當惹味。加入粒嘅帶子，識落更加有口感。👍🏻冰燒三層肉呢個真係要大讚，燒楠仔個皮脆卜卜，肥豬肉唔算特別多，亦都唔會特別鹹，