龍點心 (Eastcore)

营业中

休息中

朋友話Eastcore1樓龍點心有新張優惠下午茶八折，點心精緻美味又抵食，餐廳裝潢懷舊風格配霓虹燈，打卡至岩，用Qr code 落單夠方便快捷。我們點左脆脆富貴紅米腸粉，紅米腸粉很香滑，包住薄脆漿和蝦肉，上面再加有沙律醬，配芝麻醬、豉油、甜酸醬，很味美。值得推介👍👍👍黑金流沙包，滿滿的流沙蛋黃味很香濃又幼滑，包質鬆軟。松露野菌晶瑩餃，紫色蒸餃賣相特別又靚靚，松露味清香。大澳蝦醬鮮魷卷，脆漿包住蝦粒和鮮魷粒炸香脆可口，餡料十足。筍尖蝦餃皇，皮薄餡靚，蝦肉爽口。馬拉小籠包，黃糖皮薄夠煙韌有肉汁，可惜細粒，味道不錯。