影片
更多
2020-10-28
1218 浏览
不時黎東海薈食晚飯，但好少飲茶，今日黎試下。平日朝早都超級多人等位，建議預先打電話訂位，或者網上攞籌，唔使等得咁辛苦。11:30之前埋單有折，點心都叫咗好多，孖寶可以叫超過一個。我唔係樣樣點心都有食，講吓有食嗰啲。印象最深刻就係叉燒腸粉，唔係因為佢價錢貴，而係因為啲叉燒好韌，從來未食過咁韌嘅叉燒腸粉，好明顯啲叉燒用嘅肉唔靚，差啲有渣要吐出來，真心差。芋角可以，外皮香脆，裏面有少少汁，唔會好乾。燒賣比較普通，擺盤好醜樣，唔知點解食到有少少沙咁嘅東西，可能係d蝦處理得唔夠乾淨。蠔皇鮮竹卷蠔油味都幾重，略咸，本身味道可以，但裏面加咗芹菜，可能係想增加口感，但我對芹菜嘅味道麻麻地，扣分。另外要講嘅就係傳菜嘅職員，我地明明坐係出菜位門口，但啲職員總係要將所有點心推勻成個場先返嚟俾我哋，搞到啲點心凍哂，上菜完全冇規劃最佳路線，我哋後尾頂唔住出聲截停佢，佢仲拉三賴四，真心感覺唔好。
平日朝早都超級多人等位，建議預先打電話訂位，或者網上攞籌，唔使等得咁辛苦。
11:30之前埋單有折，點心都叫咗好多，孖寶可以叫超過一個。我唔係樣樣點心都有食，講吓有食嗰啲。
印象最深刻就係叉燒腸粉，唔係因為佢價錢貴，而係因為啲叉燒好韌，從來未食過咁韌嘅叉燒腸粉，好明顯啲叉燒用嘅肉唔靚，差啲有渣要吐出來，真心差。
芋角可以，外皮香脆，裏面有少少汁，唔會好乾。
燒賣比較普通，擺盤好醜樣，唔知點解食到有少少沙咁嘅東西，可能係d蝦處理得唔夠乾淨。
蠔皇鮮竹卷蠔油味都幾重，略咸，本身味道可以，但裏面加咗芹菜，可能係想增加口感，但我對芹菜嘅味道麻麻地，扣分。
另外要講嘅就係傳菜嘅職員，我地明明坐係出菜位門口，但啲職員總係要將所有點心推勻成個場先返嚟俾我哋，搞到啲點心凍哂，上菜完全冇規劃最佳路線，我哋後尾頂唔住出聲截停佢，佢仲拉三賴四，真心感覺唔好。
张贴
