大公館

营业中

休息中

上次喺大公館飲完茶之後，一班朋友都話不如過嚟再試吓晚飯。荔枝角又唔算太難去，所以就算開完會匆匆忙忙都值得要去下。最難得係可以夾埋其他朋友，即刻可以食多好多嘢。一叫呢個清香柚子凍鮑魚，好似去左仙景咁，原來呢個係新菜式。前菜叫咗話梅鐵棍准山同金甲脆魚皮，後者個感覺我好似去咗平時大排檔嘅鑊氣一樣。另一個專為母親節而設嘅新菜式，有呢個脆米蒜香雞，個皮好脆好特別，加上蒜香味重，一流的選擇，同屋企人食呢啲慶祝母親節非常之好嘅選擇。仲有好適合媽媽點嘅西班牙火腿金芙蓉蒸星斑球，呢個芙蓉蒸星斑球勁靚，有少少酒香係個蛋到，舊斑球又好食。三色藜麥金沙蝦球，金沙去處理但感覺好健康，而家蝦好大件，藜麥感覺特別脆。相信第一次見到黑腐竹，豆漿杞子鮮黑腐竹浸時蔬 ，食落去感覺特別，而且豆味勁濃。單尾點的金瑤櫻花蝦蛋白炒飯，大份到嚇死人，雖然大份，但係都炒到粒粒靚，唔係hea。甜品又係食金箔懷舊芝麻卷，真係食幾多次都唔厭。我已經好想再約屋企人過嚟，呢度食母親節飯，不過仲未夾到期，希望到時有位啦。