名館 (已結業)

我們星期日訂了這間3位在銅鑼灣希慎14樓的名館食下午茶放題，好多客人排隊喔！這個下午茶點心放題星期一至日都有，平日更加抵食！之前去過中環同朋友食這個放題，今次就黎銅鑼灣食。 環境一流，乾淨又寬敞舒適的空間，感覺好正！點心是一張紙的所有點心可以任點任試，真的好吸引！這邊的玄米茶好好飲，又香又易入口；我們點了好多不同款式，有前菜、糕點、甜品、點心等等。前菜：和麻醬雞絲粉皮、香茜拌黃金鮮腐竹、奧爾良雞翼釀糯米、麻香無骨黑雞腳好靚又唔會好大碟；推介麻香無骨黑雞腳（微辣好爽口，青瓜配乾蔥，黑雞腳入味）、奧爾良雞翼釀糯米（好脆啖啖肉又惹味）、香茜拌黃金鮮腐竹（還是一樣入味好口感）也推薦涼菜鎮江水晶餚肉、桂花鐵棍淮山鮮肉一品小籠包、鑊仔生煎蓮藕餅、大良鮮奶脆鋼卷好正！小籠包好多汁又熱又薄又餡肉軟、大良鮮奶脆鋼卷內軟甜外脆口、蓮藕餅厚身熱辣辣好喜歡！精選點心：太極馬拉糕、黑金流沙包、金箔紅菜頭餃、懷舊鵪鶉蛋燒賣、京川滑餃子、銀糊天鵝酥、咖哩蒙古羊肉餅、雪茄鮮蝦春卷、流心紫薯果、橋底混醬豬腸粉好有特色，每種不同味道感覺，推介又靚又美味天鵝酥、又靚又爽蝦的金箔紅菜頭餃、橋底混醬腸粉又滑又多醬！