海逸軒 (已結業)

日式放題就食得多，點心放題就第一次，所以好期待。點心放題11:00開始至2:30。有好多款式選擇，花多眼亂。豚肉紅油抄手：抄手既皮厚左少少，但醬汁味道幾好夫婦肺片：有牛肚同牛舌，醬汁好麻辣，配埋芫茜一齊食，好惹味。花膠鴨絲羹：味道幾清，唔錯金沙大蝦：咸蛋黃味好濃郁，好香芥末雙味蝦球：甜甜酸酸仲有啲芥末味，幾特別薑蔥日本帶子：帶子好大隻，啖啖肉上湯小籠包，萵苣蟹肉彩絲餃，翡翠帶子豆苗餃，如意鮮蝦津菜餃，瑤柱魚茸涼瓜餃涼瓜餃幾特別，未試過點心餃係苦既。味道雖然苦，但又唔會話難食。香麻叉燒酥、五香炸芋角大閘蟹粉燴飯：好大碟，裡面有蟹肉絲，好香蟹膏，好食椒鹽五香炸豆腐：個皮炸得好脆，豆腐好滑，外脆內軟，口感一流。面頭仲有椒鹽，少少辣，好惹味。點埋個點醬，甜既，都幾夾。我地點川味蘿蔔絲，但啲蘿蔔唔辣，個汁似係醋，懷疑其實係咪蟹醋蘿蔔。呢碟蘿蔔好爽脆，酸酸地好開胃，好味！最後仲有中式甜品同水果，我地差不多每款都叫左。銀耳蛋白杏仁茶同楊枝甘露都唔錯。其實仲有好多款想試，但真係好飽食唔晒。整體覺得唔錯，食物同服務質素幾好，環境舒適。