皇廷工房點心專門店 (已結業)

午市一人餐揀咗煎蛋牛肉飯同埋煎蓮藕餅。個飯真係熱辣辣上台，牛肉係類似牛肉球個種咁軟淋，加少少鼓油一齊食已經好惹味，加上個煎蛋亦都提高鮮味，成個飯食落都好滿足，份量亦都夠哂食! 蓮藕餅完全唔油膩而且仲好爽口，蓮藕味幾突出，口感幾特別!

炸春卷&抄手

春卷原條炸所以咬開都唔會乾同埋好油，蝦仁大大隻咬落爽滑彈牙! 抄手粒粒都好豐滿，皮薄而且餡料夠多，加上佢地既秘制辣油，食落超惹味!

另外都要一讚佢既凍檸茶同埋凍奶茶都好好飲，茶底好濃又有少少回甘既味道!