利小館 (已結業)

Yoho Mall 黎講都有好多間可以飲茶食點心，但其實好食既就...個人一直都覺得利苑既點心係呢個mall 最好食，而且空間最大，坐得最舒服。不過缺點就係好full，基本上一定要訂枱先食到，同埋係分時段，時間沒咁彈性。好似今日咁，突然想食點心的話，就食唔到。不過，如果唔介意坐得hea d，旁邊呢間利小館都係好既選擇。其實佢同利苑同一個廚房，點心係一樣既，只係環境相對沒咁高級。兩個人食，叫左必食既蝦餃，標準一口既size，蝦夠鮮甜，嗰皮厚薄適中，good！野菌餃都係我鍾意既，我好少食素餃，因為好易有陣青味同好寡，但呢度唔會。素鵝就普普通通，不過不失啦～但係酥炸魷魚鬚就係我每次必點，即叫即炸，炸皮薄，夠脆身，魷魚鬚爽口彈牙，份量又多，正！