新贊記點心·小廚

营业中

休息中

行完街經過油麻地，見到呢間點心店，其實夜晚食點心都幾開心。✨鮮蝦韮菜餃： 個皮好薄有彈性，蝦肉爽彈，加上韮菜我鍾意。粉果同樣好足料，大大粒。✨奶皇流沙包： 面包鬆軟，一咬開個流心饀爆晒出黎，真係要小心辣親。✨土魷肉餅飯： d土魷都幾多，肉餅好食多汁。✨西洋菜湯： 好大碗又足料，味道清甜唔會好重味精feel✨蜂巢黑糖糕： 食落煙煙韌韌有彈性又唔會乾身，甜度啱啱好✨燒汁釀茄子：估唔到超大舊，個汁幾好味甜甜地加埋魚肉，個茄子好熱又軟滑。✨蘿白糕： 個糕質地軟腍，鍾意佢d 蘿白係粗切清甜。 ✨蒜蓉蒸龍躉：蒜味好香，龍躉啖啖肉，鋪底既豆卜索晒汁，突登留黎送飯。