影片
更多
2018-06-06
70 浏览
今日食lunch有四個人一齊，所以食好啲，叫個商務四人套餐$428，見佢都幾多嘢食。不過我哋餓得厲害，所以叫多幾個點心試下。餐湯是髮菜蠔豉蓮藕湯，好足料，好好飲！真係有大大隻蠔豉喺度煲，會撈起湯渣畀你食，點豉油食好正！唔鍾意食湯渣，淨飲湯都飲到好香濃嘅蓮藕蠔豉味。花雕醉乳鴿，切開四件，四人吃剛好。 冇諗過呢個醉雞方法，用來做醉乳鴿，原來係咁好食！乳鴿皮好爽脆，雖然係凍食，打破傳統炸乳鴨做法，但係花雕酒浸到入曬味，濕潤地食乳鴿，原來感覺都好香口，別有一番風味，推介！鹽水鴨，如果唔點醋就咁食，會覺得鹹咗啲，但係點醋食，味道剛好，酸味中和鹹味，食出鴨肉香，肉質結實有口感，味道不錯呢！小菜揀左蚵仔煎， 見到啲柯仔煎到燶曬，以為會唔好食，原來唔係，只係用粉醬包住的阿仔炸得夠火喉，連蛋漿煎出嚟，非常脆身，而且仲食到蚵仔的鮮甜味，好香，非常好食！蝦王大白菜，啲蝦果然真係好大隻喎，有六隻咁多。而且d 蝦走過油，炸得脆身，可以連殼食都得，就算剝咗殼，隻蝦都唔細隻喎，而且好新鮮好爽口。見到咁多橙色醬汁，可能以為會好酸，但其實味道是十分清淡的，所以大白菜仍然食得出蔬菜的清甜味，這個小菜有驚喜呢！鹽酥雞，跟餐
餐湯是髮菜蠔豉蓮藕湯，好足料，好好飲！真係有大大隻蠔豉喺度煲，會撈起湯渣畀你食，點豉油食好正！唔鍾意食湯渣，淨飲湯都飲到好香濃嘅蓮藕蠔豉味。
花雕醉乳鴿，切開四件，四人吃剛好。 冇諗過呢個醉雞方法，用來做醉乳鴿，原來係咁好食！乳鴿皮好爽脆，雖然係凍食，打破傳統炸乳鴨做法，但係花雕酒浸到入曬味，濕潤地食乳鴿，原來感覺都好香口，別有一番風味，推介！
鹽水鴨，如果唔點醋就咁食，會覺得鹹咗啲，但係點醋食，味道剛好，酸味中和鹹味，食出鴨肉香，肉質結實有口感，味道不錯呢！
小菜揀左蚵仔煎， 見到啲柯仔煎到燶曬，以為會唔好食，原來唔係，只係用粉醬包住的阿仔炸得夠火喉，連蛋漿煎出嚟，非常脆身，而且仲食到蚵仔的鮮甜味，好香，非常好食！
蝦王大白菜，啲蝦果然真係好大隻喎，有六隻咁多。而且d 蝦走過油，炸得脆身，可以連殼食都得，就算剝咗殼，隻蝦都唔細隻喎，而且好新鮮好爽口。見到咁多橙色醬汁，可能以為會好酸，但其實味道是十分清淡的，所以大白菜仍然食得出蔬菜的清甜味，這個小菜有驚喜呢！
鹽酥雞，跟餐的小菜，賣相好靚，不過份量少啲。咬開見到雞肉還有肉汁，沒有炸得太乾，粉漿炸得很脆，但鹽味不算多，屬於淡口的鹽酥雞。
台式胡椒餅$36, 佢同台灣嘅胡椒餅皮有分別，呢度係用酥皮。裡面嘅豬肉同胡椒焗完之後仲有好多汁，只有微微胡椒辣味，口感方面因為係用酥皮，所以冇正宗台式胡椒餅咁香口脆身，但味道都唔錯。
套餐粉麵飯類可揀一碟，食乾炒牛河，估唔到咁快就上菜。炒得好靚，老抽顏色炒得勻循，每條河粉都有顏色，又唔係太油膩，鑊氣夠，味道咸淡得宜，河粉彈牙有嚼勁。葱和芽菜都不少，口感和味道極佳！推介！
春風香脆百花腸粉$40, 估唔到原來裏面唔係齋炸兩，而係喺油炸鬼裏面釀咗蝦滑，仲食到蝦肉，好爽口，淋上豉油，點甜醬和花生醬食，香脆又有多重口感。呢個炸兩係其他酒樓未食過，都幾特別。
招牌極品流沙包$36，原來都係呢度嘅招牌菜，趁熱食真係好流心，蛋黃同奶皇都好多，好香，而且麵包皮唔算厚，用料十足。
台式小籠包$36，一籠四隻，真係皮薄餡靚，一咬啲湯流曬出嚟，肉質就好爽口，好新鮮。所以啲湯係好鮮甜的，點埋陳醋食更香。
甜品原來係紫米露，一上桌聞到好香椰汁味，可惜食落芋頭唔夠淋，唔夠粉，紫米就好煙韌，椰汁味夠，甜度適中，如果芋頭可以粉啲就再好味啲啦。
埋單加一$682,食到好飽，而且全部食物味道都不錯，平均每人$170.5,食咁多野又好味，值得再幫襯。
张贴
