徐記廚房點心

今日同朋友一行2人嚟開花墟買花，想搵間坐得舒服嘅舖頭傾下偈。諗起佢搬舖後好耐無嚟幫襯，一於嚟飲啖茶嘆吓點心😂原來間舖都幾大，座位都闊落。

我哋叫咗蝦餃、燒賣呢啲一定唔少得啦！值得一讚個蝦餃彈牙，食得出蝦係靚貨，唔馬虎，真正做到皮薄餡靚喎👍🏻 燒賣餡比例都啱，唔會好似出面啲酒樓咁成口肥肉。

我哋仲叫咗棉花雞同菜苗餃，棉花雞就正常不過不失咁啦，菜苗餃就有驚喜喎，隻隻非常飽滿，皮好薄，睇相都應該見到😆菜同蝦嘅比例都好啱，算幾好食😋