煌府1號

营业中

休息中

週末假日同家人去行Megabox，想飲茶就去左13樓嘅煌府1號。一坐低我就攞點心紙揀野食，今次點左薑葱牛栢葉、糯米雞、蝦餃皇、奶皇包、海蜇燻蹄、芝麻卷及瑞士汁炒牛河。牛栢葉配薑及葱絲食係我嘅至愛，好味。糯米雞分量十足，饀料亦夠。蝦餃皇超大蝦肉在內，好飽滿。奶皇包精心設計，外表有卡通公仔，小朋友至喜歡。海蜇燻蹄夠爽口，點埋醋汁食令人再三回味。芝麻卷味道香濃，好多芝麻味。瑞士汁炒牛河好有鍋氣好惹味，而且牛肉夠腍。提提大家，下午2:00至3:30點心做緊5折優惠，大家記住把握機會試啦！