東哥點心籠仔蒸飯專門店 (已結業)

每個星期都會去茶樓飲茶， 之前呢間點心專門店新開張， 就去試下。附近酒樓和吃點心的地方不算是少， 但這間舖頭對正巴士站， 當日看見吸納了不少 等車的乘客買外賣。講返正題， 今次試咗 金針滑雞籠仔飯， 鮮蝦菜苗餃， 黑椒金錢肚， 叉燒腸粉， 皮蛋瘦肉粥， 炒麵， 燒賣 ，鮮蝦煎腐皮卷。 (有啲嘢食冇影到相)金針滑雞籠仔飯， 份量十足， 但雞不夠滑， 蒸飯都比較濕。皮蛋瘦肉粥， 味精味太重， 個粥比較稀。叉燒腸粉， 腸粉皮不夠滑， 而且比較黐口。點心比較好吃， 鮮蝦菜苗餃晶瑩剔透， 金錢肚無騷味又夠淋， 煎腐皮卷夠香脆又唔會太過油笠笠， 燒賣大大粒。整體嚟講坐得不太舒服， 而且價錢同附近酒樓差不多， 點心質素還可以，價錢不算貴 ，但4個人要 差不多二百五十蚊， 同區還有很多選擇。