香江花月 (利舞臺廣場) (已結業)

人氣打卡火鍋店香江花月喺銅鑼灣開咗分店，依家除咗有火鍋之外仲有午市嘅點心，佢哋嘅點心都好精緻，味道都很好。裝修風格同佐敦一樣用懷舊風格亦都設有打卡影相專用嘅房間。三色混醬腸粉平時腸粉都係白雪雪，呢度嘅腸粉色彩繽紛，有三種不同顏色，有白色嘅原味，綠色嘅芫荽味，同埋橙色嘅南瓜味，而且仲要剛蒸起，夠哂熱辣辣，配埋甜醬、麻醬就更滋味。魚湯金魚餃呢款肯定係必點嘅點心之一，賣相精緻，用嚟打卡影相無得輸，驟眼睇真係以為有數條活金魚喺度暢泳。而金魚餃其實係蝦餃，入面用咗蝦肉同埋豬肉，口感彈牙，味道鮮甜，仲有鮮味十足嘅魚湯，夠哂Creamy，同金魚餃一齊食會更加鮮美。黑白天鵝：兩隻好靚嘅天鵝，呈一黑一白，形態栩栩如生，好似藝術品一樣，而天鵝各自有一隻鵪鶉蛋。而佢哋所用嘅餡料都唔同，黑天鵝係杏仁味嘅餡，白天鵝就係紅豆餡，兩隻天鵝嘅外皮都好酥脆，餡料嘅甜度適中。一鼎牛肉烏冬呢個烏冬都好值得影相，用一個好大嘅盆嚟盛載，而佢哋裝飾擺盤都好精緻，而最特別一定為用紹菜所製成嘅大花朵，好睇又好食，而佢哋用嘅牛都好高質，雪花分布夠均勻，有入口即化嘅口感。