Chill Cafe Bar & Grill (已結業)

而家嘅生日飯已經進化到壽星指明要去食邊間😉不過咁都好嘅，揀咗唔想食仲麻煩。呢間應該壽星食過幾次，話明要window seat🤪lunch 都幾full我地四個各自叫左自己想食嘅，再隨意share ! 有啲後悔冇叫塊扒据下😝其實我係貪佢啲薯條乍。不過我點既牛肋條都算唔錯，配薯蓉 另外叫左鮮蝦南瓜意大利飯，我覺得賣相最吸睛！份量唔多，試左一啖都唔錯！我俾番條牛肋條佢交換😀另外一款係鱸魚，我本身都有唸過叫，好彩，賣相強差人意！成碟一半係伴菜，亂七八糟，塊魚俾啲汁遮住哂，too much la ! 又唔係我想像中煎得香脆。😩反而甜品有驚喜，叫完再叫🤪先叫左兩個大家share. （cheese cake 同好靚嘅Raspberry mousse cake) 見大家都好欣賞，心思思又試埋個cream bulee 真係要食埋甜品🍮先滿足。