椰籽 (已結業)

聽人講九龍城開咗間椰子特飲手搖店。一直都好想去試吓。 既然今日人在九龍城， 點都要記得去試一試。 睇完個menu, 真係花多眼亂。⋯ 最後叫咗杯椰子菠蘿特飲🥥🍍 $39。 製作等候時， 忽然見到店舖玻璃貼上買任何特飲+$1 加購一球椰子雪糕， 咁抵唔駛諗， 俾多$1。飲品到手， 我先食雪糕， 雪糕算滑椰味重，杯椰子菠蘿特飲非常冰凍，飲落每啖都有攪拌後嘅椰碎，甜度啱啱好， 加上菠蘿少許酸甜中和咗濃香椰汁，飲完後感到非常爽，非常refresh 。 仲有好多種味我都未試， 我下次又多一個會去九龍城嘅理由。