影片
更多
2021-08-13
344 浏览
朝早失驚無神落咗場黑雨☔️，打亂了工作安排，所以決定放自己半日假，第日先再好好努力。放假就當然要搵啲搞作，撥個輪確定餐廳有開之後，😁我就懷住興奮嘅心情出發到灣仔嘅「ULURU」。點解咁興奮？因為我想拜訪呢間餐廳好耐㗎喇，但一直未夾啱時間嚟食下午茶。估唔到喺咁嘅情況下，我終於有機會來朝聖。呢度環境絕對無令人失望，由地下門口、樓梯以至室內位置都非常靚😍，再配合埋輕鬆嘅音樂，彷彿讓人置身於童話世界。我會喺文章最後詳細介紹餐廳嘅裝修。雖然我一心係嚟食下午茶，但亦都有留意到佢嘅午市餐牌，午餐定價喺灣仔區唔算貴，百頭一份西餐🍽，不過唔知份量多少。另外，飲品選擇亦都多。彩花之里·溫室下午茶($338/兩位用)，期待已久嘅下午茶出場喇🎊。下午茶由幾部份組成，每樣食物造型都好精緻，份量就偏的骰。不過食Tea一向都係醉翁之意不在酒嘅，無所謂啦😜。甜品有兩部份，首先係迷你朱古力糖果溫室🍬，「溫室」貌似盆栽，中間仲插咗朵玫瑰添，非常可愛。玻璃球器皿入面裝住朱古力碎同棉花糖，質感好得意，既鬆脆又帶點煙韌。之後就係三層心點(小新説法)架，中間層係三式蛋糕🍰，從左至右數起分別係柚子🍊、摩卡☕️同藍莓乳酪🫐。蛋糕細細件，
朝早失驚無神落咗場黑雨☔️，打亂了工作安排，所以決定放自己半日假，第日先再好好努力。放假就當然要搵啲搞作，撥個輪確定餐廳有開之後，😁我就懷住興奮嘅心情出發到灣仔嘅「ULURU」。
點解咁興奮？因為我想拜訪呢間餐廳好耐㗎喇，但一直未夾啱時間嚟食下午茶。估唔到喺咁嘅情況下，我終於有機會來朝聖。呢度環境絕對無令人失望，由地下門口、樓梯以至室內位置都非常靚😍，再配合埋輕鬆嘅音樂，彷彿讓人置身於童話世界。我會喺文章最後詳細介紹餐廳嘅裝修。
雖然我一心係嚟食下午茶，但亦都有留意到佢嘅午市餐牌，午餐定價喺灣仔區唔算貴，百頭一份西餐🍽，不過唔知份量多少。另外，飲品選擇亦都多。
彩花之里·溫室下午茶
$338
37 浏览
0 赞好
0 留言
迷你朱古力糖果溫室
13 浏览
0 赞好
0 留言
之後就係三層心點(小新説法)架，中間層係三式蛋糕🍰，從左至右數起分別係柚子🍊、摩卡☕️同藍莓乳酪🫐。蛋糕細細件，唔驚塞到滯咗。三款中我最鍾意藍莓，味道幾有層次，而且亦唔膩。頂層有兩粒馬卡龍，啡色係朱古力，但白色嗰粒我就唔係好食得出係乜味🙈。
Uluru朱古力
16 浏览
0 赞好
0 留言
迷你玫瑰奶凍
12 浏览
0 赞好
0 留言
朱古力牛角包，🥐牛角包外層好脆，雖然細隻，但都無令到內層唔鬆軟，中間加咗朱古力醬，份量適中，唔會令人反感。
鹹食有兩種，包括泰式炸魚蛋🍢同吉列炸蝦🍤，炸物就正常水平啦，食落相對飽肚，啱哂為食嘅我，但建議餐廳提供醬汁配炸物食。
飲品方面，下午茶包指定飲品，款式三揀二，店員好好人溫馨提示我哋凍飲嘅造型會比較靚，適合打卡📸，唔通俾佢發現咗我係港女？哈哈。我哋要咗Uluru Rose Tea同Tiramisu Coffee🍹，兩杯都好大杯，夠晒氣勢，味道都OK啦，玫瑰嗰杯開頭有少少怪，但越飲越啱味。==========
接住落嚟我就會好似地產經紀咁帶大家行一圈餐廳🤣，首先當然係樓梯，沿途兩邊都畫上黑白插畫。
當差唔多行到上去，就會見到餐廳寫住We are Open! #ULURU✅。
樓梯盡處嘅插畫係欄杆、花園迷宮以及城堡🏰。
之後就係糖果櫥窗🍭。
小心前面梳妝台塊魔鏡會靚爆鏡💋💄。
太靚，爆咗😹。
餐廳嘅第一部份設有梳化位🛋。
廚房亦都喺呢邊👨🏻🍳。
行過大廳，沿住走廊，穿出房間🚶♀️。
就會嚟到餐廳嘅第二部份，呢邊比較多座位，而且仲有個大窗可以滲透自然光進內🔆。
窗框望出去有好多旅遊勝地呀✈️。
另外仲有暖爐添🔥。
最後唔少得兩個高枱打卡位，自成一角㗎👻。
總括嚟講，呢個黑白童話世界實在令人沉醉在內🖤🤍，環境設計堅有心思，餐廳已經營業咗幾年，但大致上都保養得好好👍，始終白色好易污糟嘛。再者，食物味道亦都唔差，所以我認為絕對值得來一睹呢度嘅風采呢。
张贴
