豹茶 (已結業)

※本文以用餐當日的環境、服務和食物質素為準，口味亦因人而異，文章只作參考之用。-黑糖飲品真係開到全香港都係，除左有老虎堂、有茶狼，竟然仲有呢間新開既「豹茶」。應該係班戟店Bove另一條新line，配黑糖既仲可以揀豆漿、黑芝麻豆漿、冬瓜茶同港式奶茶底等，不過小妹都係愛配鮮奶。星期六下午落單連排隊等左15分鐘到 （有得調整冰塊），人流都幾旺。飲品menu豹子雪 500cc $26杯上既豹既Logo係幾靚就真既，影相既話買細用圓滾滾既杯會可愛d。不過一拎上手杯邊既黑糖好明顯唔多（點解人地個杯咁多..）杯底都唔係暖既。一開頭飲都有少少黑糖味，甜度可接受，可惜飲多幾啖只餘下完全唔濃既牛奶味，似飲緊無味奶（黑糖完全消失），奶味仲要唔香唔好飲（咩奶黎架）！珍珠比較硬，但嚼落都有點黑糖味。真係幾失望，應該無下次了！