花斑茶社 (樂道)

营业中

休息中

自從黑糖珍珠鮮奶係香港hit起之後，依家真係行兩步都會見到一間賣台式飲品既鋪頭。本身都仲會記得邊到新開左邊間，但依家愈開愈多，真係唔知邊間打邊間啦已經。之前係太子試左間又係有個花字既鋪頭，中晒伏，今次經過呢間，都有啲驚會伏，不過見都有幾個人排隊，唔似之前個間咁靜，同埋見佢期間限定有岩鹽味，都係比左次機會佢。賣相都幾靚仔。飲落第一啖個岩鹽味已經好出，因為係厚鮮奶，加左層奶霜係面，所以個奶味真係幾香濃。珍珠都有彈性，成杯野其實都唔錯，不過就愈飲愈鹹，個岩鹽可以落得輕手少少。