吉龍糖黑糖茶飲專賣店 (將軍澳中心)

又一間台灣過江龍茶店登陸香港，仲係將軍澳開左分店，「吉龍糖」係一間黑糖茶飲專門店，同其他茶店有少少分別，主打各款黑糖飲品。

雖然唔係珍珠奶茶Big Fan，但好奇心驅使下，見到有新店點都要試下

皇牌黑糖珍珠厚奶 $30
黑糖珍珠分量好多，原本以爲會好甜好漏，估唔到鮮奶非常香濃幼滑，同黑糖珍珠的甜味配合得好好，飲完會覺得自己係一個好滿足的肥仔。

黑糖珍珠炭燒烏龍 $22
清新的烏龍無被黑糖味蓋過，仲可以食到口感煙韌的珍珠，最岩喜歡清甜口味的人飲用，係黑糖珍珠鮮奶以外的另一好選擇。