珍煮丹 (已結業)

週日下午時間黎到珍煮丹，唔知是咪同區已有太多同類型茶店，分散左少部份人流，一街三間飲品店都冇想像中多人，而珍煮丹一條小人龍取勝。約莫十個人，我即排啦。購買過程流暢，提供餐單紙嘅好處係排隊前拎一張，邊排可以邊諗定想點咩，而唔洗排到你先慢慢諗，阻住地球轉動。最終喺十分鐘內到手，比起仲係人流如潮嘅老虎堂，飲得輕鬆餐牌供應黑糖鮮奶類、純茶、拿鐵、果茶、古早味、檸檬系列等飲料，選擇頗多，定價$18-34，配料有布丁、椰果、仙草、珍珠、愛玉等。可以話係大包圍，樣樣都有。黑糖珍珠鮮奶 $30/正常冰、正常糖甜度可調整，啱哂點黑糖飲料但怕甜嘅朋友。黑糖鮮奶分層明顯，冇刻意製作杯邊嘅紋路，並非使用原整冰粒，同良辰吉時一樣係冰碎，而且量多，好在融化較快，因此拎上手珍珠係常溫。未攪拌直接飲，黑糖濃郁偏甜，有少許膩口，攪拌後便剛好比較可惜係，雖然用上明治鮮奶，但出黎嘅味道卻有點淡，奶唔夠別家香濃同厚身，再三確認店員手上嘅確實係明治，大概係碎冰迅速令奶變淡吧珍珠約1/3杯，偏細粒，大小不一，噍落都有少許黑糖味，煙韌度亦都有，質素都可以，只係我個人比較喜歡大啲嘅珍珠。珍煮丹嘅黑糖鮮奶由賣相到味道都屬於四平八穩，至