愛上米線 (漆咸道南) (已結業)

店內的裝修都幾新潮，以黑白紅三色為主，感覺坐得幾舒服同環境夠乾淨。同之前食過既餐牌唔同左，有新既湯底，仲有車仔麵叫，自己簡配料同湯底。蟲草花胡椒杞子雞肉湯米線 湯底幾濃，胡椒味重，搭配豬骨湯，好正！入面嘅配料好多，雞肉係屬於滑身嗰隻，呢一個米線岩晒女士們啦，感覺好滋補。牛魔王麻辣湯米線一打開就聞到好攻鼻的麻辣香味，好香！鐘意吃麻辣的人一定喜歡，牛魔王裡面有肥牛、牛丸及牛𦟌，牛丸爽口彈牙，肥牛及牛𦟌都好軟淋同入味。懷舊蔥油餅配藤椒野菌雞粒藤椒雞粒表面好香脆的，帶點麻辣，蔥油餅厚度岩岩好，搭配香蔥好夾，別有一番風味。佢個湯底真係唔錯，有機會試下堂食，可以免費添飯或米線，用盡個湯底。