Labels Cafe + Bar (已結業)

經過4年的活化項目，南豐紗廠經已開幕！最近終於有機會第一次嚟到南豐紗廠，預留左半日時間行吓呢個文創基地。行到晚上有啲肚餓，發現到呢間喺3樓既Labels cafe+bars，裝修運用黑白型格雲石紋設計。店員介紹之下得知原來與本地時裝設計品牌Harrison Wong有關係，難怪cafe與時裝店相連，食完飯又可以睇下衫。可能因為當日是平日，店員話我哋知餐牌上有些菜式沒有供應，我哋就請店員為我哋推介。我哋嗌咗一個pasta同一個risotto～大蝦墨汁意粉配香茅牛奶泡沫及帶子·魷魚·蝦·黃薑意大利飯，大蝦配合墨汁交織出鮮香味道，加上香茅牛奶泡沫除賣相加分岩晒打卡亦令整體口感較為清新。海鮮黃薑意大利飯一片金黃色，口感creamy，黃薑味同埋海鮮嘅鮮味融會一齊。甜品我哋揀咗較為有特色嘅布朗尼蛋糕配棉花糖雲，上枱時忍唔住要影相呀，真係成舊雲咁好得意，不過要好快淋上鮮奶，舊雲就會喺面前消失！布朗尼配鮮果鮮奶一啲都唔漏，又唔會過甜，就算唔喜愛食甜品嘅都讚。最後試埋兩件cake，士多啤梨呍呢嗱同埋紅莓朱古力。非常之高質素，香濃口感，一試難忘。