石磨坊 (已結業)

聽講這裡的糖水唔錯，今日就一個人來試試。五點幾，無咩人，好多位隨便坐。呢度裝修簡潔，行行下旺角來坐下是不錯的。原本想叫朋友推介的石磨特色河粉，但當我問個侍應姐姐那些河粉是什麼時，佢講來講去都講唔出，見隔離檯叫的芝麻合桃糊賣相不俗，結果就要叫了這個。芝麻合桃糊偏向杰身，見黑白兩色食來食去都溝唔埋就知不是水汪汪的，好剛合我的口味。芝麻糊及合桃糊都不是粉開的，食落幼滑，幾甜但味道唔錯，有水準。因為杰，所以食完都覺飽的。埋單13蚊，單叫芝麻糊只12蚊，是幾抵食。下次要試試佢個腰果糊，唔係處處有得食。起碼好過大良八記好多。