城中燒味

見疫情開始嚟啦，於是又買下外賣返屋企。九龍城呢間城中燒味，經過就經過得多，因為喺街市對面，但係就未幫襯過，今日就決定試吓。

望落去啲燒味都幾吸引，有唔同嘅燒味滷味等等。

上網見到啲人好多都讚黑毛豬叉燒，所以都點左一碟叉燒飯。叉燒嘅份量都幾多，肥瘦嘅程度啱啱好，唔會太乾唔會太濕，都可以話入口即溶，而價錢算幾合理。

另外點左桶子雞。因為有幾個人，所以點左一隻全雞，價錢$100。隻雞望落去個色澤都幾光鮮，肉質都幾林。

仲點左牛展飯。牛展切得都幾簿，所以切到十塊左右，都係$40，因為係單拼。我哋冇乜要求，單拼就已經滿足。

如果第時經過都會再考慮加料，尤其是如果做節時，出面加價，呢度可能價錢比較穩定。