梅吉涮涮鍋 (已結業)

發現自己原來好耐冇去過鯉景灣，今次就約朋友入去行吓🫶🏻海邊環境好舒服，行完當然去食返餐啦，揀咗最近新開嘅「梅吉涮涮鍋」，淺金色餐具帶點時尚感，配以古色古香日系優雅裝潢，整體舒適度滿分💗晚市供應四款兩小時放題套餐，見到D餐係「日本A5 和牛 + 日本豚肉放題」，有十勝產A5 和牛任吃超開心🫶🏻一人一鍋方式，自選湯底我揀了酸辣湯底，酸度辣度都唔會太刺激，幾有東南亞風情。是日重點日本A5 黑毛和牛來到了，擺盤幾靚，用了半高身的盤子盛著。雪花均勻分布，涮過後入口嫩。先來了每人一盤原來份量都唔少。之後再來了日本米豚肉，本身雖然不太好豚肉，但這個都挺嫩。自助區目測大約有40款配料，包括有蜆丶蝦丶螺丶八爪魚丶青口等等海鮮，另外有一些丸類丶麵類丶蔬菜類，黑色墨汁丸唔錯幾好食，選擇唔算多，但都挺新鮮。另外有任飲自家製飲品，都幾有特色，例如有竹蔗茅根馬蹄爆珠丶洛神花芒果爆珠等👍🏼大部份飲品都有爆珠在裏面，不會太甜，有口感。