Table 18 Bar & Restaurant (已結業)

一別就兩年多無幫襯喇 ﹗星期六做 lunch buffet 接住落 tea buffet，頂佢 ﹗侷住我地要坐商場，感覺坐係街邊咁，享受食物時人來人往最憎，好討厭 ﹗張枱四四方方又細，係咪想食客淨係叫杯野飲叫碟飯算呢？﹗快快埋單走人？﹗Strewberry margarita，突然興起想飲 cocktail，見到張好吸引又未試過，就依杯啦。味道帶淡淡士多啤梨味，感覺清新冰涼，但食唔到酒味喎，味道唔錯，一試無妨。水牛城雞翼，焗雞中翼配上水牛城汁濕食，我都係第一次食濕架乍，之前係任何一間餐廳食都係無汁架喎。皮香肉嫩，還保存點點肉汁係裡面，味道微辣帶甜，都幾好食開胃。鑊仔黑椒安格斯牛仔肉蘑菇飯，好食到不得了 ﹗每次都必食 ﹗黑椒微辣香甜，配上香濃蘑菇炒飯，襯到絕 ﹗安格斯牛仔肉軟棉棉，牛味又濃，實在太好食喇 ﹗我可以一個人連食兩個都唔會厭多呀 ﹗鑊仔鮮茄帶子蘑菇飯，新出品，超好味呀 ﹗以前只有黑椒牛仔肉同鮮茄豬扒，兩個汁都超乎想象地出色 ﹗配上非常濃郁蘑菇味既炒飯，夠乾爽又嚥嚥靭靭，好香好香好好香呀 ﹗鮮茄汁酸酸甜甜好開胃，配埋爽口鮮味帶子，好好食呀 ﹗高水準 ﹗