醉胡爐 (已搬遷) 新店位置

朋友極力推介之下，特登趁放假嚟到尖沙咀呢間醉胡爐，希望唔會醉左返去啦。湯底方面由於近排相簿一補所以叫咗非常之美顏嘅花膠冬瓜雞煲，呢個湯頭真係不得不讚，飲落去好濃嘅雞湯味。又有花膠呢啲美顏佳品，飲落去好似係酒樓嘅雞煲翅咁。淨係個湯底都值得嚟多一次。呢間嘅調料都有好多選擇，我就最鍾意佢哋嘅沙茶醬同埋XO醬。食物方面我哋揀咗係打邊爐比較少見嘅白鱔。呢個白線唔係急凍嗰啲非常新鮮，食落好香魚嘅味道。應該係即刻切俾我哋嘅。放落去冬瓜雞煲翅湯另一份美味。另外我都非常之推介佢哋嘅黑松露餃，經理提議話呢個一定要嚟食。食完之後終於明白點解佢咁講，食落去真係好香好香嘅黑松露味，佢哋嘅水餃皮都同平時嘅唔一樣比較q彈。呢個都真係非常之唔錯，不過記住唔使煮咁耐只要果皮熟咗就得啦。因為本身入邊嘅餡料已經熟㗎啦。