中國廚房/台灣牛肉麵

营业中

休息中

來了尖沙咀食中菜，值得介紹，抵食！店員服務仲非常體貼，十分加分。食左中國廚房花膠松露超值精選套餐，先食小食，叫了蘿蔔絲海蜇，口夠2重質感之下，好爽口！蘿蔔絲唔會有苦澀味，非常過癮，帶點微辣！幾清新爽口既小食。花膠竹笙濃雞湯，精緻燉湯！足料靚湯，用料夠精緻，而且温度夠熱，認真好飲。撚手椒鹽海班脆骨腩，椒鹽味夠濃，骨腩吸哂味道，黑松露西芹炒蝦球，西芹夠清爽，爽雜住松露香味，蝦球鮮味啖啖肉，幾高質。黑松露海鮮粒炒飯，飯粒晶瑩剔透帶粒粒口感，幾香松露香滲出黎，但味道又唔會太霸道！飯底炒得幾乾身唔會太油膩，海鮮都幾多款，炒飯炒得唔錯。