黑木亭-お食事処 (玉成大廈) (已結業)

黑木亭係一間元朗嘅日本餐廳，店內裝潢以木質為主，營造出溫馨舒適嘅氛圍。我今次嚟嘅時候揀咗海產細味六杯蠔，呢度嘅蠔好新鮮，蠔肉鮮美、鹹香適中，仲有3種唔同嘅醬汁，方別泰式醬汁、雞尾醬汁、日本醬汁，刻意配上唔同口感嘅蠔。雞尾醬汁配嘅蠔 texture 最rich 最creamy 。另外我都試咗石板A5宮崎和牛厚切，呢度嘅和牛真係好嫩，每一啖都好juicy; 用石板燒嘅方式，更加保留咗肉汁嘅原汁原味。炸蔥吞拿魚蓉鮟鱇魚肝卷都好好味，個魚肝卷炸得好香脆，魚肝嘅鮮味同蔥同吞拿魚蓉嘅味道完美結合，外脆內軟有口感。牛舌芯都好嫩，唔會好難嚼，肉味濃郁。燒雞翼香口，鹽燒燒得啱啱好，唔會燒焦！最後試咗鴛鴦翠肉瓜 - 芝士/明太子，翠肉瓜煮得軟綿綿，配上芝士同明太子， 好味!我好鍾意呢度嘅食物，我會推薦大家嚟呢到食，特別係和牛，真係好正！✨ 海產細味六杯蠔 ($199) ✨ 石板A5宮崎和牛厚切 ($388) ✨ 炸蔥吞拿魚蓉鮟鱇魚肝卷 ($168) ✨ 牛舌芯 ($68) ✨ 燒雞翼（鹽燒) ($32) ✨ 鴛鴦翠肉瓜 - 芝士&明太子 ($22)📍 黑木亭-お食事処