一寿司 (已結業)

係屯門食晚飯，廣場內都係集團式經營既食店，行過見6點多啲啲已經有人排隊仲要開始打蛇餅，就比個機會佢喇。等左大概20分鐘就可以入座，坐低發現原來都仲有幾多位未安排入座，心諗係想營造外面排長龍氣氛制造羊群心理等其他人都排埋一份？算喇，我都做左其中一隻喇！提早既黑夜時段令餐牌上既壽司刺身都有半價，最後心大心細叫左盤刺身，真係普貨式，相都費事影。之後再叫左蝦類壽司，睇暈個餐牌只有蝦類吸引啲，食下食下好似都係食蝦壽司，係咪真係揀無可揀呢？最後覺得食來食去都係蝦，點左穴子壽司，上檯時覺係小驚喜，但食落又係一般水準。整體是因特價吸引而來，埋單兩人$400，全餐都係食特價壽司刺身，正價即係差唔多$800，心諗點解唔比個更好選擇自己，放題都係差唔多價錢，我都係食甜蝦牡丹蝦同埋炸蝦啫。對比早年10點後既黑夜壽司，排過長龍，差唔多11點先有得食既日子，慨嘆那不是同一回事了。