影片
更多
2016-10-23
1215 浏览
唉！今晚餐飯真係食到一肚氣我今晚同老公同兩個仔（一個三歲一個一歲）黎諗住試下呢間日本野，仲突登用手機app攞定枱，點知一黎到，知客阿嬸就話要我坐卡位。一歲小朋友真係坐唔到，咁啱又有其他枱吉，咪諗住換過張，雖然最後都換左，但阿嬸已黑晒面；我問有無bb椅又唔應我，咁我咪以為有bb椅於是左望右望企度等左成四五分鐘，到最後再問先知無，咁一早講清楚係唔係咁難先？野食黎講就...以呢個價錢黎講好一般，蔥花吞拿魚飯賣相不佳，味道尚可，但鰻魚飯真係唔夠味，淡。我明新城市租貴，但成一佰八十蚊碗鰻魚飯有少少要求也不太過吧。我突然好懷念以前同一鋪位的今助。價錢稍為便宜，但味道卻好得多。俾我再揀，我情願去河畔間德美，好味又抵食。其間其實都有啲姐姐服務幾好，問佢攞水攞餐具好快送到，態度好。可惜到埋單時另一個阿嬸行埋黎，我簽完張單問佢攞泊車單的時候，佢即刻變面蔑我。我即諗阿姐使唔使呀、爭你錢咩！我絕對唔會再去了。野食麻麻、服務又麻麻，憑咩留客？（只好對服務好的姐姐講唔好意思，但一粒老鼠屎真的會搞砸一鍋粥）
我今晚同老公同兩個仔（一個三歲一個一歲）黎諗住試下呢間日本野，仲突登用手機app攞定枱，點知一黎到，知客阿嬸就話要我坐卡位。一歲小朋友真係坐唔到，咁啱又有其他枱吉，咪諗住換過張，雖然最後都換左，但阿嬸已黑晒面；我問有無bb椅又唔應我，咁我咪以為有bb椅於是左望右望企度等左成四五分鐘，到最後再問先知無，咁一早講清楚係唔係咁難先？
野食黎講就...以呢個價錢黎講好一般，蔥花吞拿魚飯賣相不佳，味道尚可，但鰻魚飯真係唔夠味，淡。我明新城市租貴，但成一佰八十蚊碗鰻魚飯有少少要求也不太過吧。我突然好懷念以前同一鋪位的今助。價錢稍為便宜，但味道卻好得多。俾我再揀，我情願去河畔間德美，好味又抵食。
其間其實都有啲姐姐服務幾好，問佢攞水攞餐具好快送到，態度好。可惜到埋單時另一個阿嬸行埋黎，我簽完張單問佢攞泊車單的時候，佢即刻變面蔑我。我即諗阿姐使唔使呀、爭你錢咩！
我絕對唔會再去了。野食麻麻、服務又麻麻，憑咩留客？（只好對服務好的姐姐講唔好意思，但一粒老鼠屎真的會搞砸一鍋粥）
张贴