金太郎 (已結業)

因為友人素仰呢度既三文魚刺生夠抵食, 所以就黎呢度食晚飯啦! 講到食日本野, 金太郎真係叫平到爛! $38 / 8件 三文魚刺生, 厚度都適中架! 個人覺得好過去某o的放題任食, 果o的三文魚通常都係超薄切~7點幾黎到坐迴轉, 迴轉款式都唔少! 花之戀$15/3件, 雖然得一片花瓣, 但都好抵食丫! 另外又叫左手卷船, 拉麵都OK OK架! 跟住叫左爐端燒黎試下, 十幾蚊一碟, 唔太記得食左o的乜啦! 因為爐端燒既份量都好少, 有一碟牛柳, 得幾粒肉加埋好多洋蔥, 食左好似冇食過咁... 下次都係叫多碟壽司算啦!服務同環璄都令人滿意!