文華饕記 (已結業)

朋友話要拎魔法卡就黎左文華饕記，唔好搞錯另一間文華呀～星期日晚黎都幾靜，得幾枱客，不過呢個場又不嬲唔多人嘅，地點問題？店員先送上熱水，亦提醒旁邊可以填紙仔。落左個快餐，店員跟手送上餐具同帳單。先來杯凍檸茶走甜，夠晒凍，茶味正常，走左甜都無苦澀。自己點左芙蓉蛋飯，外觀都正常。份量幾大下喎，大大塊蛋仲好多飯添。個芙蓉蛋味道就啲失望，入面得火腿同寥寥可數的芽菜，數埋無十條，唔知係咪夜晚啲食材已經賣晒？白飯撈埋甜豉油就幾好味。朋友叫左窩蛋免治牛肉飯，一睇啲色同平時食開嘅好唔同咁樣。肉碎加上三色豆同雜菇碎，唔難食但唔係窩蛋牛囉，哈哈，好有驚喜呀，從新講多次，佢真係唔難食㗎，鹹鹹地撈飯其實唔錯。新派菜？哈哈，店舖大又乾淨，店員好禮貌，價錢又唔貴，支持下小店啦！