Pancake 專門紗織 (已結業)

呢一間我已經期待咗好耐 因為銅鑼灣都比較遠 所以有時間出嚟嗰陣 一定要食下呢間pancake專門店🙈我個人非常鍾意食pancake 而且聽聞佢哋呢度嘅裝修風格非常日式風 而家疫情冇得去日本 試吓呢間都無妨！紫薯Mont Blanc班戟Mont Blanc嘅意思即系蒙布朗 呢個pancake打卡一流 外觀非常之吸引 用咗一絲絲唔同既幼條而成嘅蛋糕 充滿層次感 面層仲有半舊士多啤梨同忌廉🍓紫薯味好濃郁 甜甜地覆蓋住pancake同埋雪糕 雪糕嘅口味可以自由配搭 我揀咗朱古力班戟同雲呢拿雪糕 味道好夾 成個甜品影相又得食物都好高質！和牛漢堡班戟朋友叫咗個和牛漢堡pancake 呢個係鹹款 和牛非常之厚身 下面再加左塊薯餅 同巨量既生菜 仲有芝士同蕃茄醬 口感好豐富 味道都唔錯！