グリル滿天星

营业中

休息中

weekday喺尖沙咀唔係午餐時段，JS cafe居然大排長龍，所以轉嚟咗滿天星諗住食佢嘅梳乎厘pancake.叫咗一個原味($108) ，一個係朱古力香蕉味($138) 。 首先，上碟係每碟都係得兩件嘅啫，而且每一件呢係比平時喺happy pancake嗰啲食嘅要細件！ 仲要埋加一，即係話一件已經要差唔多七十幾蚊！感覺唔係好抵！咁味道方面，原味我覺得ok嘅，但係佢個糖漿呢有一陣怪味，個牛油醬係好食嘅。佢texture係梳乎厘一啲，比較軟身嘅，即係d 醬係上面都好似會令到嗰個pancake塌落嚟嗰種。至於朱古力味，個朱古力醬單食係非常濃沃嘅，就好似直接將啲朱古力隔水溶咗咁，好濃味，但係偏苦澀嘅，加埋個梳乎厘就會冇哂pancake味，係唔夾嘅，會搶曬所有味，所以覺得非常一般。結論就係始終梳乎厘pancake都係要去專係買梳乎厘pancake嘅餐廳，呢度係貴+細件+味道一般。