沙田新強記燒鵝海鮮酒家

营业中

休息中

自從搬咗入天水圍，好耐冇嚟過沙田新強記食雞粥。今日同老公特登嚟沙田，終於有機會食返沙田最出名嘅名菜，沙田雞粥，我哋叫咗一個例牌，份量都好足夠，至少有四碗。雞肉煲完粥都好鮮嫩，醃得好入味嚟沙田一定要食新強記沙田雞粥，水平仲keep到！除咗食雞做我哋仲叫咗佢其他嘅撚手小菜。椒鹽九肚魚老公鍾意食香口野，一疊至少有10幾件，炸到脆卜卜熱辣辣配埋喼汁，真係好惹味！如果鍾意飲啤酒送走真係一流！金牌咖喱牛腩煲呢道菜真係意料之外，冇諗過咁好食！原本專程嚟食繼續，意外發現原來佢個牛腩煲都好正！牛腩份量好足料，牛筋腩嘅比例好適中！咖喱唔會好辣，有好多配菜，例如：青椒、洋蔥🧅、炸薯仔🥔所以本身冇諗過叫飯都忍唔住叫咗碗白飯。