七重天 (已結業)

雖然我家鄉係上海，但舊式既上海都未曾真正見識過，有既可能都係一啲電視劇既印象，同幾位麻甩好友約黎依到「傾數」，不過當然係閒聊下咁姐 XD黎到七重天依間餐廳，真係不得不佩服店主既用心！ 升降機一開門，已經見到一個充滿中國氣色既門面，紅牆上有啲金色既半球體，唔知會以為食中菜！但望一望個餐牌，主打係串燒同酒，所以環境確係獨特之處 環境幾寬敞，一張張大班椅圍住一個小圓枱，再加上餐廳既地板同吊燈，好似去左以前既舊上海，而且大家唔洗爭舒服靚位，每人一張大班椅夠晒！ 汁燒豬頸肉，燒得夠晒火喉，聞落都好香，肉質幾厚身，口感有啲似肥膏，但食落都幾香口 煙肉荔枝，幾新穎既配搭，咸咸既煙肉包住暖熱既荔枝，食落去咸得黎又比荔枝汁既甜味中和到，配搭幾特別，但又唔會覺得奇怪 藍帶雞翼，食落去有微微既 Blue cheese 味，但味道唔濃，雞翼就燒得岩岩好，金黃色既外層，咬落去脆卜卜 香腸拼盤，有啲似司華力腸，中間有啲酸瓜仔，而且佢香腸都有分兩種，一種較脆皮，另一種則冇，我中意食脆皮果隻多啲，食落口感會大啲～ ORANGE，鮮榨橙汁，飲落幾甜幾清新，如果落少啲冰就好喇～