二八火鍋 (已結業)

最近香港落足成個禮拜雨，禮拜六日唔行街都要出來食個靚飯消遣下。來翻二八火鍋食放題，食夠佢兩個鐘。之前黎過一次，印象好好，環境👌地理位置方便👌更加重要係同其他地方嘅放題唔同，唔係淨係得肥牛。佢嘅牛肉係可以分部位去點，各式各樣，牛利心、牛柏葉、牛爽肉、吊龍等等。而且佢地啲小食仲多，老實講我淨係點做兩round牛就好滿足啦，然後點佐好多小食😁雞腳、皮蛋、椒鹽豆腐、鴨舌、涼拌青瓜、蝦餅……多到乜都想試下。好在我地早去，五點幾就去無book檯都好彩有位。後面見入來嘅客都因為無訂檯無得入來食。下次來都係提前訂檯穩陣啲。