Pimary (已結業)

💛💛💛Pimary & Co💛💛💛大尾督附近只有兩間黃店，我哋揀咗其中一間。餐廳只接待會員，而成為會員就要首先消費滿$100。為左入會，我哋買咗兩罐海鮮罐頭🥫😂。一罐青口，唔可以話係難食，但係真係唔啱我哋胃口。另一罐係吞拿魚，一開望落去好似餵貓嗰啲罐頭咁樣，食落好食過青口。如果唔係好鍾意食罐頭既，建議買其他嘢入會🤣。呢度簡直係打卡勝地，不論係戶外定係室內嘅環境都好靚，全部都有佈置過😚。前後等咗大約10分鐘左右我哋就可以入座，我哋揀咗二人份量嘅pancake同埋兩杯飲品。成間餐廳係推介健康食品，Pancake都係Sell健康，裏面有好多材料例如燕麥等等。影相好鬼靚😍，食落都好食，唔似出面個啲甜品咁甜。不過我地就唔太鍾意啲燕麥😂，其實材料都okay，綠茶雪糕同士多啤梨同Pancake好夾。值得一嗌！我嗌左凍嘅特濃朱古力，除咗上面啲cream係甜嘅之外，杯朱古力有啲淡，加上啲冰溶，越飲越淡。希望會改善一下。綠茶奶好飲啲，除咗有甜味以外仲好香綠茶味，係濃茶嘅味道。相比起杯朱古力真係差天共地。呢度好特別可以揀燕麥奶、豆奶、牛奶。絕對係素食者之選🥰。