越南亞呂 (已結業)

平時行過都無留意響近街角處有間越南食肆,鋪位細只得幾張檯,裝修簡陋但尚算整潔,是日未夠12點就到,我係第一個客,只有老闆一人在執拾,問一問開鋪未?佢反問想食乜?可能簡單嘅就得,複雜嘅就要等吓,於是叫咗最簡單嘅生牛肉湯檬,唔駛煮,夠簡單掛!,老闆即刻預備,睇著佢整,5分鐘就OK,牛肉肥瘦適中,響熱湯度浸一陣間就熟,入口算滑又有肉味,檬粉唔算多,同芽菜一齊食,一個滑另一個爽,好夾.最欣賞係個酸辣湯底,清得嚟又夠味,飲品叫咗椰汁綠豆,好香椰汁味,幾好飲.食物其實走精緻路線,價錢唔算平,但同裝修格局唔係咁匹配,不竟只要好食就有知音.