大富蠔音樂餐廳

营业中

休息中

好耐之前已經食過呢間餐廳，但係一直都只係試過佢嘅生蠔或者關於蠔嘅食物，聽朋友講最近呢度有蟹粉嘅Menu，咁就一於黎試吓啦。呢度同之前一樣，都係仲有live Band。嚟呢度除咗食飯之外，仲可以聽到好多好好聽嘅live Band song而且每一次呢度嘅live Band嘅質素都好高，真係好好聽。我覺得最值得讚嘅就係呢個蟹粉釀雞翼，因為本身已經好鍾意食蟹膏，而且佢嘅雞翼都好大隻，一隻雞翼可以養到好多蟹粉，而且估唔到雞翼同蟹粉食落去咁夾，真係好出色。另外呢度嘅座位都好好坐，雖然佢嘅地方唔係好大，但係坐得好舒服，好適合拍拖或者朋友聚會，慢慢坐低聽歌。另外我覺得呢個蟹粉意粉都好出色，雖然份量唔係好大，但係份量啱啱好，蟹粉襯埋海膽意粉真係好夾，食落啱啱夠飽，但係又唔會太膩，真係好值得一試呢間餐廳好多唔同嘅季節Menu，我試過喺粉同埋生蠔，都好值得一讚，非常推薦大家嚟試吓。