靚煲皇 (已結業)

星期六要招待朋友吃生日飯，朋友說想吃小菜，中式餐廳係不二之選，今次我們來到靚煲皇因為行完街既關係，去到靚煲皇已是9點多，所以都唔駛點等就已經有位，依排夜晚天氣唔熱又唔凍,所以坐戶外最舒服！當晚大家行完都比較肚餓，我哋2個人，總共點了3 個菜，3個都是我喜歡食既菜！其中包括：黃金炸大腸！相中可見，炸大腸非常多，成碟菜都炸得好乾身，沒有油。我好鍾意食炸大腸,特別係佢入面有好多膏,同出面食既感覺完全唔同,邪惡得黎唔多油,所以食落唔會覺得好肥！仲可以連埋波羅一齊食TIM花膠粟米羹,估唔到花膠非常多，口感軟林林又滋補，栗米羹味道岩岩好,唔會太淡或太濃味！用嚟送飯一流！少爺咕嚕肉，剩係個名都已經無得頂，令人好期待.酸甜醬汁令人開胃，咕嚕肉咬落好脆口,但又係做得好乾身,個醬汁唔會好傑,所以入口仲會感覺到咕嚕肉既味道，最後當然要食波羅啦！埋單3 百幾，依類型有小小質素既餐廳黎講算係差唔多，一分錢一分貨，呢個價錢係值得既！